Kayaah Kolot
Hei barudak kudu mikir!
Maneh kahutangan ka Indung ka Bapa
Ti barang lahir tepi ayeuna
Dipiara taya ka cape ngarasula
Hei barudak kudu mikir!
Maneh kahutangan ka Indung ka Bapa
Dipikayaah taya menta pamuji
Dipikaasih taya menta wawalesna
Teu laas kahujanan
Teu gedang kaanginan
Estuning clak bodas
Kaluar tina hate sanubari nu suci
Ngorbankeun raga tur rasa
Nandonkeun sakabeh jiwana
Pikeun hiji udagan
Sangkan budak metik hasil nu sampurna
